Балқашта кенеттен мінез танытқан түйе адамдарды таптап кете жаздады

21 наурызда Балқаш қаласында алаңда Наурыз мерекесі кезінде түйе адамды таптап кете жаздады. Оның видеосы әлеуметтік желіде тарады, деп хабарлайды Zakon.kz.

Видеода түйе кенеттен агрессивті мінез-құлық танытып, мөңки шаба жөнелгенін көруге болады. Осылайша арбаға жегілген жануар өз бетімен қашады. Оны тоқтатуға тырысқан ер адам құлап, түйе астына түседі. 

Публикация от 📍БАЛҚАШ 🇰🇿 BALQASH 🏖 БАЛХАШ (@balqash)

Бұл оқиғаға қатысты полиция түсініктеме берді.

"2025 жылдың 21 наурызында М. Хамзин атындағы Мәдениет үйі жанында болған аталған оқиғаға қатысты түйе иесі - Балқаш қаласының тұрғынына ауыл шаруашылығы жануарларын жаю және абаттандыру ережелерін бұзғаны үшін ҚР ӘҚБТК-ның 505-бабы, 1-бөлігі, 408-бабы, 1-бөлігі бойынша әкімшілік жауапкершілікке тартылды", делінген хабарламада.

Бұған дейін Ақтөбе облысында учаскелік полицей су ортасында қалып кеткен үй жануарларын құтқарғанын жазғанбыз.