Алматы облысы тұрғынынан бір келіге жуық марихуана тәркіленді

Еңбекшіқазақ ауданы Шелек ауданында тәртіп сақшылары жергілікті тұрғыннан бір келіге жуық марихуананы тәркіледі. Ұстау кезінде ол есірткіге елітіп алған болып шықты, деп хабарлайды Zakon.kz.

"Құқықтық тәртіп" жедел-профилактикалық іс-шарасы аясында Еңбекшіқазақ ауданы Шелек ауылында полиция қызметкерлері Байсейіт ауылының 34 жастағы тұрғыны басқарған Mitsubishi Lancer көлігін ұстады. Көлікті тексеру кезінде артқы орындарынан ерекше иісі бар өсімдік тектес зат салынған 20 түйіншегі бар полиэтилен пакет табылды. Сонымен қатар, қолдан жасалған пышақ та тәркіленді.–

"Ер адам медициналық тексеруге жіберілді, оның нәтижелері бойынша ол каннабиноидтарды қолдану салдарынан есірткілік мас күйінде болғаны анықталды. Сараптама қорытындысы тәркіленген заттың салмағы 1 келі 153 грамм кептірілген қарасора екенін растады". Алматы облысы ПД баспасөз қызметі

Аталған факті бойынша қылмыстық іс қозғалып, сотқа дейінгі тергеу амалдары жүргізілуде. Күдікті уақытша ұстау изоляторына қамалды.

Сурет: Алматы облысы ПД

Қазіргі уақытта оқиғаның барлық мән-жайын анықтауға бағытталған кешенді шаралар қабылдануда.Құқық қорғау органдары азаматтарды есірткінің заңсыз айналымына байланысты заңсыз әрекеттерден аулақ болуға шақырып, мұндай құқықбұзушылықтар үшін Қазақстан Республикасының заңнамасында қылмыстық жауапкершілік қарастырылғанын еске салады.

Бұған дейін Астанада екі ер адамнан 270 келіден астам есірткі мен тапанша тәркіленгенін жазғанбыз.