Бюджеттік кредиттердің бір бөлігі Ұлттық қордан берілетін трансферттер есебінен өтеледі

Қаржы министрінің м. а. 2025 жылғы 15 мамырдағы бұйрығымен ҚР Бірыңғай бюджеттік сыныптамасына өзгерістер енгізілді, деп хабарлайды Zakon.kz.

Мәселен,«Мемлекеттік бюджеттен берілген бюджеттік кредиттерді өтеу» кіші сыныбында келесідей толықтырулар енгізілді. 

• Облыстардың, республикалық маңызы бар қаланың, астананың жергілікті атқарушы органдарына Қазақстан Республикасының Ұлттық қорынан берілетін нысаналы трансферт есебінен республикалық бюджеттен 2024 жылғы 1 қаңтарға дейін берілген бюджеттік кредиттерді өтеу; 
• Мамандандырылған ұйымдарға Қазақстан Республикасының Ұлттық қорынан берілетін нысаналы трансферт есебінен республикалық бюджеттен 2024 жылғы 1 қаңтарға дейін берілген бюджеттік кредиттерді өтеу. 

Құжатқа басқа да өзгерістер енгізілді.

Бұйрық 2025 жылғы 1 маусымнан бастап қолданысқа енгізіледі.