Жамбыл облысында мылтық ұстаған жасөспірім досын абайсызда атып алған

Жамбыл облысында сот қаруды құқыққа сыйымсыз қолдану фактісі бойынша үкім шығарды. Кәмелетке толмағанға айыппұл салынды, деп хабарлайды Zakon.kz.

Сотта кәмелетке толмаған баланың достарымен бірге әкесіне тиесілі пневматикалық мылтықпен бөтелкелерді атқаны, құлаған бөлекені түзеп қоймақ болғанда Т. байқаусызда шүріппені ертерек басып қалып, оқ жәбірленушінің иегіне тигені анықталды.

Сот отырысында кәмелетке толмаған Т. кінәсін толық көлемде мойындады. Жәбірленуші М. ешқандай шағымы жоқ екенін түсіндіріп, шешімді соттың қарауына қалдырды. Адвокат Т-ның іс-әрекетінде ауырлататын мән-жайлар жоқ болғандықтан, соттан минималды айыппұл тағайындауды сұрады.

Криминалистің қорытындысына сәйкес, "Cometa 300" пневматикалық қаруы спорттық жаттығуларға арналған, атыс қаруы емес.

Сот кәмелетке толмаған жасын, кінәні мойындауын және жасаған ісіне өкініш білдіруін жеңілдететін мән-жайлар ретінде таныды.

"Сот қаулысымен құқық бұзушы ӘҚБтК 485-бабының 1-бөлігі бойынша кінәлі деп танылып, оған 10 АЕК (39 320 теңге) мөлшерінде айыппұл тағайындалды. Тәркіленген пневматикалық қару тиістілігі бойынша қайтарылды".Жамбыл аудандық сотының баспасөз қызметі

Қаулы заңды күшіне енді.

Бұған дейін ҰҚК сегіз өңірде заңсыз қару мен жарылғыш заттардың ірі қорын анықтағанын жазғанбыз.