TikTok-тағы ұрыс-керіс: Астанада тікелей эфирде ашуға бой алдырған әйел соттан бір-ақ шықты

Астанада TikTok-тағы тікелей эфирден кейін әйел адамға қатысты ұсақ бұзақылық бойынша іс қозғалды. Аталған әкімшілік құқық бұзушылық істі Астана қаласының әкімшілік құқық бұзушылықтар жөніндегі мамандандырылған ауданаралық соты қарады, деп хабарлайды Zakon.kz.

Іс материалдарына сәйкес, азаматша Б. TikTok әлеуметтік желісіндегі тікелей эфир барысында былапыт сөздер айтып, осылайша айналасындағыларға және әлеуметтік желі пайдаланушыларына анық құрметсіздік танытып, қоғамдық тәртіп пен жалпыға ортақ мінез-құлық нормаларын бұзған.

Сот отырысында азаматша Б. өз кінәсін мойындап, бұған дейін әкімшілік жауаптылыққа тартылмағанын ала тартып, тағайындалған айыппұлды төлеуге дайын екенін білдірді. Сот қаулысымен азаматша Б. ҚР ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған 20 АЕК мөлшерінде айыппұл салынды.

Қаулы заңды күшіне енген жоқ.

Бұған дейін Ақтөбеде TikTok-та тікелей эфир кезінде балағат сөз айтқан тұрғын бес тәулікке қамалған болатын.