IMEI-коды да бар: Қарағанды тұрғыны iPhone көшірмесіне түпнұсқа құнын төлеген
Сурет: pexels
Қазақстанда саяхаттап жүрген ер адам жалған iPhone сатты деген күдікпен ұсталды, деп хабарлайды Zakon.kz.
2026 жылғы 18 қарашада Қарағанды облысы полиция департаментінің (ПД) баспасөз қызметі хабарлағандай, күдікті – Атырау облысының 24 жастағы тұрғыны түпнұсқа смартфондардың орнына арзан көшірмесін сатқан.
"Мұндай айлаға 40 жастағы ауыл тұрғыны ілікті: ол IMEI-кодты тексеріп көріп, үш iPhone-ның түпнұсқа екеніне сеніп, күдіктінің қолына 300 мың теңге ұстатқан. Дүкендегі тексеріс барлық гаджеттің бағасы 30 мың теңгеден аспайтынын, жалған екенін көрсетті. Жәбірленушінің арызынан кейін Бұқар Жырау ауданы полиция бөлімінің қызметкерлері күдіктіні Жамбыл облысында анықтап, ұстады", делінген хабарламада.
Күдікті уақытша ұстау изоляторына қамалды, оның осындай басқа да қылмыстарға қатысы бар-жоғы тексеріліп жатыр.
Бұған дейін Қазақстанда 120 миллиард теңгеден астам сомадағы алаяқтық операциялардың алдын алу мүмкін болғанын жазғанбыз.
Мақаламен бөлісу
Оқи отырыңыз
Если вы видите данное сообщение, значит возникли проблемы с работой системы комментариев. Возможно у вас отключен JavaScript