Алматы облысы әкімінің орынбасары көмір тапшылығының себебін түсіндірді

Алматы облысы әкімдігі не себепті көмір тасымалдауға байланысты қиындықтар болып жатқанын түсіндірді, деп хабарлайды Baq.kz әкімнің баспасөз қызметіне сілтеме жасап.

«Ауа райының күрт суытына байланысты 20-24 қаңтар күні көмір өндірісі кідіріп қалды. Осының салдарынан Алматы облысына көмір тасымалдаушылардың кестесі бұзылды. Биылғы жылдың 25 қаңтарынан бастап көмір резервіндегі жұмыстар кестеге сай жүргізіле бастады. Дәл қазір көмір тасымалдауға қатысты жағдай тұрақталды», - дейді Алматы облысы әкімінің орынбасары Айдарбек Байжанов.

Мұнымен қатар, Байжанов аталған аймақ тұрғындарының 1 308 мың тонна көлемінде көмір сатып алғандарын айтып өтті. Бұл қажетті көлемнің 93 пайызын құрайды.

«Алматы облысындағы «Ойқарағай» разрезінде 29 640 тонна көмір бар. Оның орташа бағасы – 15,5 мың теңге», - дейді әкімнің орынбасары.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021