Көкшетауда дәрігерлер қауіпті дертке шалдыққан сәбиді құтқарды
Sputniknews.kz
Денесінің 60 пайызы зақымдалған қыз бала сегіз күн жансақтау бөлімінде жатқан.
Лайелла синдромына шалдыққан бір жасқа толмаған қыз Ақмола облыстық ауруханасында емделіп шықты, деп хабарлайды Sputnik Қазақстан.
Айша Мұқашева ауыр хәлде ауруханаға түскен болатын, Лайелла синдромы денесінің 60 пайызын зақымдаған екен. Қыздың әуелі бет-ауызы мен мойыны, кеудесі бөрткен соң, ата-анасы есекжем ауруы деп ойлайды, алайда келесі күні бөртпе сәбидің бүкіл денесіне қаптап кеткен.
"Лайелла синдромы — терінің улы эпидермальды некролизге ұшырауы. Себебі – бактерияға, туберкулезге қарсы дәрі-дәрмекке, витаминдерге, жөтелге қарсы және ыстықты түсіретін сироптарға қосылатын бояғыш заттарға аллергияның болуы. Сонымен бірге кейбір тағамдар да осы синдромға шалдықтыруы мүмкін. Көбінесе аллергиясы бар ересектер мен балалар осы науқасқа ұшырайды", — деп түсіндірді жансақтау бөлімінің меңгерушісі Елена Иванова.
Айша сегіз күн жансақтау бөлімінде жатып, кейін сәбилер бөліміне ауыстырылған, жақында үйіне қайтарылыпты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
