ШҚО-ның Зырян ауданында тасқын салдарымен күрес жүргізіліп жатыр
Хабар 24
Қазіргі таңда су басқан үйлер саны – 135.
Шығыс Қазақстан облысындағы су басқан елді мекендер жөнінде Төтенше жағдайлар комитеті таратқан тың ақпарат, - деп хабарлайды Хабар 24.
Қазіргі таңда арнайы бекеттерде 86 адам қалды. Тағы 305 тұрғын туыстарының үйінде тұрып жатыр. Шұғыл жәрдем беруге бағытталған медициналық орталық 12 адамға көмек көрсетті. Құтқарушылар күні-түні жұмыс істеуде. Негізгі шаруа Зырян ауданында атқарылып жатыр. Төрт жүзге жуық жұмысшы су сорғызып құм себуге кірісіп жүр. Су тартатын 70 қондырғы бар.
Қазіргі таңда су басқан үйлер саны – 135. Оның елуі Зубовскіде. Зырян қаласында тоқсан үйдің ауласында су көлкіп тұр. Құзырлы мекеме өкілі осылай хабарлады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
