Қазақстандық студенттер жатақханаға мұқтаж
Astana TV
Алдағы оқу жылынан бастап студенттерге арналған жатақхана құрылысы қарқын алады. Яғни жастар үшін 5 мың орындық баспана салу көзделіп отыр. Бұл туралы үкіметте білім және ғылым вице-министрі Бибігүл Асылова айтты. Бұл туралы zakon.kz Астана телеарнасы жариялаған ақпаратқа сілтеме жасап хабарлайды.
Министрліктің мәліметінше, осы мақсатқа 150 млрд теңге жұмсалады. Бұл алдағы 5-6 жылға жоспарланған қаржы. Бүгінде 204 мыңдай студент бар. Оның жүз мыңнан астамы жатақханаға зәру. Баспанамен қамтылғаны -66%. Министрліктің дерегінше, жастардың жатақханаға сұранысы Алматыда жоғары.
23 мың студентке орын жетіспейді. Астанада - 17 мың, Шымкентте 11 мың орын тапшы. Жатақха жайы - Президенттің бес әлеуметтін бастамасының бірі. Нұрсұлтан Назарбаев 2022 жылдың соңына дейін жастар үшін 75 мың орынға дейін жатақхана салынуы қажеттігін тапсырған.
Бибігүл Асылова, ҚР Білім және ғылым вице-министрі: Жатақханалардың жобасы әзірленіп жатыр. Қаржы орталығы, министрлік пен банк арасында келісімшарт түзіледі. ЖОО немесе құрылысты салушы банктен қарыз алады, нысан пайдалануға берілген соң мемлекеттен жатақхананың өтемақысы төленеді. Төлеу мерзімі 8 жыл. Бұл жүйе қаржы министрлігімен және оқу орындарымен талқылап, мақұлданған.
Вице-министрдің дерегінше, оқу орындары жанынан 134 жер телімі бөлінген. Құрылысқа қажет қаражаттың жұмсалу нобайы да жасалыпты. Соған сәйкес мемлекет жоғарғы оқу орнына кезең кезеңімен әр орынға ақша бөледі.
