Бүгін еліміздің басым бөлігінде ауа райы жауын-шашынсыз болады
![Хабар 24, сурет - Zakon.kz жаңалық 03.10.2018 15:52](https://kaz.zakon.kz/pbi/WEBP/2023-12-20/file-3f8c23d3-dd04-4a43-a427-c8771a88a670/800x452.webp)
Атмосфералық фронттардың ықпалында болатын батыс және шығыс аумақтарда ғана жауын жауып, найзағай ойнайды. Сондай-ақ республиканың кей жерлерінде күшті жел соғып, тұман түседі, деп хабарлайды Zakon.kz Қазгидрометке сілтеме жасап.
Ақмола, Қостанай, Қарағанды, Солтүстік Қазақстан, Шығыс Қазақстан облыстарының кей жерлерінде тұман болады. Шығыс Қазақстанда, сондай-ақ Солтүстік Қазақстан облыстарының жекелеген аумақтарында күндіз желдің жылдамдығы секундына 15-20 метр болмақ.
Жамбыл, Түркістан, күндіз Қызылорда облыстарының кей жерлерінде желдің жылдамдығы секундына 15-20 метр болмақ.
Алматы облысының Жалаңашкөл ауданында күндіз желдің жылдамдығы секундына 17-22 метрге күшеймек. Сонымен қатар Түркістан, Маңғыстау облыстарында, Қызылорда, Жамбыл облыстарының басым бөлігінде, Алматы, Қарағанды, Ақтөбе облыстарының кей жерлерінде жоғары өрт қаупі сақталады.