Еліміздің басым бөлігінде құбылмалы ауа райы күтіледі
akamaized.net
Республиканың солтүстігінде және солтүстік-батысында атмосфералық ағындардың өтуіне байланысты, күн райы құбылмалы болады, жауын-шашын түседі. Кей жерде жел күшейіп, тұман түседі, деп хабарлайды Zakon.kz Қазгидрометке сілтеме жасап.
Солтүстік Қазақстан, Қостанай облыстарында жел жылдамдығы 15-20 м/с, күндіз кей жерде екпіні 23-28 м/с күшейеді.
Aқмола облысында түнде кей жерінде, күндіз бысым бөлігінде жел күшейіп, жылдамдығы 15-20 м/с, күндіз кей жерінде екпіні 25 м/с дейін жетеді.
Павлодар облысында, түнде және таңертең Батыс Қазақстан облысының кей жерінде тұман түседі, күндіз жел 15-20 м/с күшейеді.
Aлматы облысының Жалаңашкөл ауданында жел 17-22 м/с күшейеді.
Түркістан, түнде және таңертең Қарағанды, Aтырау, Шығыс Қазақстан облыстарының кей жерінде тұман түседі. Маңғыстау облысында, Қызылорда, Жамбыл, Aлматы, Aтырау, Aқтөбе, Қарағанды облыстарының кей жерінде жоғары өрт қаупі сақталады.
