Түркістан облысының полицейлері іс-сапарларға 50 млн теңге жұмсаған

2019 жылдың бес айында іс-сапарлар шығыны 50 млн теңгені құрады. Бұл туралы қоғамдық кеңестің отырысында Түркістан облысы Полиция департаментінің бастығы, полиция генерал-майоры Қайрат Дәлбеков хабарлады, деп жазады Zakon.kz тілшісі.

- Облыс орталығы аппараты іс-сапарларының қаншалықты тиімді екеніне сараптама жасалды. 2018 жылдың бес айында іс-сапарлар шығыны 95 млн теңгені құрады. Биылғы жылдың дәл сондай уақытында іс-сапарлар шығыны 50 млн теңгені құрап, 47 % азайды. Сараптама нәтижесінде іс-сапарларды азайту туралы қосымша шаралар қолданылатын болады, - деді Дәлбеков.

Сондай-ақ, оның айтуынша, Түркістан облысы ПД штаттық құрылымы 275 данаға немесе жеке құрамның 10 % оңтайландырылды.

- 17 басшылық қызмет қысқартылды. Облыстық аппараттағы басшылық қызметтің саны 42-ден 25-ке қысқарып, үш құрылымдық бөлім - анықтау басқармасы мен тергеу, ұйымдасқан қылмыстық топпен күрес басқармасы криминалды полициямен және жедел жоспарлау басқармасы облыстық штаб басқармасымен біріктірілді, - деді облыстық ПД басшысы.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021