Білім министрі қамақтағы Суханбердиева туралы ештеңе айта алмады

zakon.kz, сурет - Zakon.kz жаңалық 11.06.2019 18:50 zakon.kz
Біз көпшілік алдында ешқандай түсініктеме бере алмаймыз.

Тергеу аяқталғанға дейін білім және ғылым вице-министрі Эльмира Суханбердиеваға қатысты бұқараға арналған мәлімдеме жасалмайды. Бұл туралы үкіметте ҚР БҒМ басшысы Күләш Шәмшидинова айтты, деп хабарлайды Zakon.kz тілшісі.

– Қазір тергеу жүріп жатыр. Тергеу аяқталғанға дейін мен ештеңе айта алмаймын, өйткені ол тергеуге қысым жасау деп қабылдануы мүмкін. Сондықтан біз ешқандай түсініктеме бермейміз, – деді Шәмшидинова.

Ол вице-министрдің қамауға алынуы мен Ұлттық тестілеу орталығы ісі арасындағы байланыс туралы да еш ақпарат бере алмады.

– Баспасөзде жарияланған ақпараттарды ғана білемін. Бұл туралы басқа ештеңе айтылмады. Тергеу жүріп жатқандықтан біз әзірге ештеңе білмейміз, – деп қосты ол.

6 маусымда ауданаралық мамандандырылған тергеу сотының санкциясымен ҚР білім және ғылым вице-министрі Эльмира Суханбердиева екі айға қамауға алынған болатын.

Мақаламен бөлісу
Мақаламен бөлісу:
zkadm
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: