"Астана" футболшысы Еуропа лигасының үздік сұрмергені атанды

"Астана" ФК

Ол әзірге дейін жеті доп соғып тастады.

"Астана" ойыншысы Марин Томасов плей-офф іріктеу кезеңінің бірінші матчында Беларусьтің БАТЭ-сіне соққан добынан кейін Еуропа лигасының үздік бомбардирі атанды, деп хабарлайды Vesti.kz.

Хорватиялық жартылай қорғаушы 25-ші минутта әдемі доп соғып, "Астананы" алға шығарды. Нәтижесінде қазақ клубы қарсыласын 3:0 есебімен ойсырата ұтты.

Томасов осылайша биылғы Еуропа лигасында ойнаған бес матчында жеті доп соғып отыр. Турнир бомбардирлері арасында көш бастады. Ол сияқты жеті доп соққан тағы бір ойыншы – "Рейнджерстегі" Альфредо Морелос. Үздік үштікте қанжағысын алты доппен майлаған "Абердин" фуиболшысы Сэм Косгроув келеді.

Сондай-ақ Томасов "қақпаға бағытталған соққылар" саны бойынша екінші орынды Андреа Белотти ("Торино") және Шейи Оджомен ("Рейнджерс") бөлісіп отыр. Бұл үшеуі 12 соққыдан жасапты. Бұл тізімдегі көшбасшы – қақпаға 13 соққы жасаған "Алкмаар" ойыншысы Келвин Стенгс.

"Астана" мен БАТЭ-нің қарымта кездесуі 29 тамызда Борисов қаласында өтеді. Жұптың жеңімпазы Еуропа лигасының топтық кезеңіне түседі.

Оқи отырыңыз