Тұрғымбаев Алматыда көлікпен қасақана адам қаққандардың аты-жөнін атамады
![ҚР ІІМ баспасөз қызметі, сурет - Zakon.kz жаңалық 27.08.2019 22:12](https://kaz.zakon.kz/pbi/WEBP/2023-12-20/file-1280f2f9-b2e3-41b0-bb84-973f0d7cf499/800x452.webp)
Министр олардың қандай жаза алатынына қатысты ештеңе айта алмады.
Үкіметте ҚР Ішкі істер министрі Ерлан Тұрғымбаев Алматыда көлікпен қасақана жаппай адам қағу оқиғасына байланысты түсініктеме берді, деп хабарлайды Zakon.kz тілшісі.
- Қазір екі автокөлік ұсталды, екеуі де бізде. Оқиғаға қатысушылардың бірі ұсталды, екіншісі көп ұзамай ұсталады деп ойлаймын. Зардап шеккен үш адам ауруханада жатыр. Екеуінің аяқ-қолы сынып, бас-ми жарақаттары бар. Екі автокөліктің ішінде екі жүргізуші болған, бірі қазір ұсталған. Олар көліктерін сол жерден алыс емес маңға тастап кеткен, оны тауып алдық, - деді ол.
Министр бірнеше бап бойынша – автокөлікті мас күйде жүргізу, бұзақылық, дене жарақаттардың ауырлығына байланысты кісі өлтіруге оқталу баптарымен қылмыстық іс қозғалғанын жеткізді.
Бірақ Тұрғымбаев ұсталғандардың аты-жөндерін атамады, бұл ақпарат тергеу мүддесі үшін жария етілуге жатпайды деді.
- Бәрін бүге-шүгесіне дейін айтпай-ақ қояйын, оны тек сот шешеді, - деді министр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript