Тоқаев "Лукойл" компаниясының президентімен кездесті
Ақорда
Қазақстан Президенті еліміздің энергетика секторын дамыту ісіндегі "Лукойл" компаниясының үлесін жоғары бағалады.
Мемлекет басшысы Қасым-Жомарт Тоқаев Ресейдің "Лукойл" мұнай компаниясының президентімен кездесті, деп хабарлайды Zakon.kz Ақорданың баспасөз қызметі.
Кездесу барысында Вагит Алекперов Қасым-Жомарт Тоқаевқа компанияның Қазақстандағы жүзеге асырып жатқан жобалары туралы айтты. Олар мұнай-газ саласындағы өзара ықпалдастықтың келешегін талқылады.
Қазақстан Президенті еліміздің энергетика секторын дамыту ісіндегі "Лукойл" компаниясының үлесін жоғары бағалады.
– "Лукойл" – біздің стратегиялық инвестициялық серіктесіміз. Қазақстанның Тұңғыш Президенті – Елбасы Нұрсұлтан Назарбаев сіздің компаниямен арадағы ынтымақтастықты дамытуға ерекше мән берді. Біз ұзақ уақыттан бері бір-бірімізді білеміз. Сондықтан осы жемісті ынтымақтастықтың табысты болатыны сөзсіз деп ойлаймын, – деді Мемлекет басшысы.
Айта кетсек, бүгін Мемлекет басшысы Қасым-Жомарт Тоқаев жұмыс сапарымен Атырау облысында жүр. Онда бірқатар мұнай өндіруші нысандарда болған Президент еліміздегі мұнай өндірісі бойынша кеңес те өткізді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
