Левит үшін бапкерлерге сөгіс жарияланды
inform.kz
Ғалымбек Кенжебаев бастаған Бокстан ұлттық құраманың барлық бапкеріне сөгіс жарияланды, деп хабарлайды Zakon.kz Қазақстан бокс федерациясына сілтеме жасап.
Бұл шешімді Екатеринбургтегі Әлем кубогының нәтижелерін талдаған Қазақстан бокс федерациясына жаттықтырушылар құрамы қабылдаған. Олар, әсіресе жартылай финалда Василий Левитпен болған оқиғадан кейін - төрешілер эквадорлық боксшының пайдасына заңсыз ұпай бергеннен кейін, Левиттің секундаттары матчтың нәтижесіне наразылық білдіріп, оны қабылдамауды талап ету құқығын пайдаланбаған деп санайды.
Ережеге сәйкес, жаттықтырушылар төрешілерге жекпе-жектен кейін 60 секунд ішінде сары қағаз беруі керек. Бірақ секунданттар бұл құқығын пайдаланбаған, ал олар рингке оралған кезде уақыт өтіп кеткен.
- Біз барлық жеке бапкерлер мен федерация басшыларын шақырдық. Олардың мұндай жағдайда не істеуі керек екенін түсіндіріп, құзіреттерін қайта бөліп бердік. Болашақта тағы осындай қателіктер қайталанбас үшін. Біз күшейтілген режимде жұмыс істейміз, өйткені Олимпиада-2020 лицензиялық турниріне аз уақыт қалды, бар-жоғы - төрт ай. Боксшылар, жаттықтырушылар және федерацияның барлығының алдында үлкен жауапкершілік тұр, - деді Қазақстан бокс федерациясының жаттықтырушылар құрамымен жұмыс жөніндегі вице-президенті Юрий Цхай.
Жалпы, бапкерлер штабы әлем кубогындағы команданың нәтижесін жақсы деп бағалады. 26 қарашада бірнеше спортшы, атап айтқанда, Сәкен Бибосынов, Санатәлі Төлтаев, Айбек Оралбай, Римма Волосенко - жаттықтырушылармен бірге сынақ турниріне Жапонияға аттанады. Оның нәтижелері Олимпиадаға іріктеу кезінде ескерілмейді. Турнир жапондық тарап үшін Олимпиада алдындағы басты жаттығу сипатына ие.
Сонымен қатар, ерлер құрамасы 10 қарашада Голландия құрамасымен кездесіп, бірлескен жаттығу өткізу үшін Нидерландыға барады. Желтоқсанда біздің боксшылар өз елінде оқу-жаттығу өткізеді, ал келесі жылдың ақпан айында олар Азия квалификациясына арналған олимпиадалық лицензия үшін таласып, Қытайда бақ сынайды.
