Желтоқсанда мереке күндері қосымша пойыздар жолға шығады
Хабар 24
"Жолаушылар тасымалы" АҚ желтоқсан айындағы мереке күндері 4 бағыт бойынша қосымша пойыздар шығарады, деп хабарлайды Zakon.kz компанияның баспасөз қызметіне сілтеме жасап.
Қосымша пойыздар Тұңғыш Президент күні, ҚР Тәуелсіздік күні, Жаңа жыл мерекесі күндері жүреді.
"Алматы-2 – Шымкент" бағыты бойынша 12 рейс "ІІ-ші Алматыдан" 28 қараша күні, желтоқсан айының 2, 5, 9, 12, 16, 19, 23, 26, 30 жұлдыздары және 2020 жылдың 2, 6 қаңтар күндері шықса, сәйкесінше Шымкент қаласынан 29 қараша, 3, 6, 10, 13, 17, 20, 24, 27, 31 желтоқсан және 3, 7 қаңтар күндері кері бағытта аттанады.
"Алматы-2 – Түркістан" бағыты бойынша 4 рейс "ІІ-ші Алматыдан" 28 қараша және 5, 17, 24 желтоқсан күндері, ал Түркістаннан сәйкесінше 29 қараша және 6, 18, 25 желтоқсан күндері кері бағытта жүреді.
"Маңғыстау-Бейнеу" бағыты бойынша күнара Маңғыстаудан 28 қарашадан бастап 2020 жылдың 6 қаңтарына дейін жұп күндері, ал Бейнеуден 29 қарашадан бастап 2020 жылдың 7 қаңтарына дейін тақ күндері жүреді.
"Нұр-Сұлтан-Шу" бағыты бойынша "Тұлпар-Тальго" вагондарымен жасақталған екі рейс 31 желтоқсаннан бастап 2020 жылдың 2 қаңтарына дейін қатынайды.
Сондай-ақ, №712/711 "Нұр-Сұлтан-Нұрлы жол – Шымкент" коммерциялық пойызы 8 желтоқсанынан бастап күн сайын қатынайтын болады.
Пойыз кестесіне қатысты сұрақтар бойынша, ұлттық тасымалдаушының Бірыңғай анықтама қызметі "105" нөміріне хабарласуға болады (стационарлық телефоннан қоңырау тегін).
