Түркістан: "Жастар еріктілік басқару" оқу-лагері өтті
Түркістан облыстық өңірлік коммуникация қызметі
Түркістан облыстық қоғамдық даму басқармасының ұйымдастыруымен "Бәйшешек" лагерінде "Жастар еріктілік басқару" тақырыбында екі күндік оқу лагері өтті, деп хабарлайды zakon.kz.
Шара – биылғы "Жастар жылын" қорытындылау және ҚР Президенті Қасым-Жомарт Тоқаевтың бастамасымен жарияланған 2020 жыл – "Еріктілер жылын" қолдау аясында өткізілді.
Оқу лагеріне Түркістан облысының барлық аудан, қалаларындағы колледж жəне университеттердің студенттері, соның ішінде 200- ге жуық еріктілер ұйымдарының көшбасшылары жиналды.
Іс-шара барысында жастар еріктілік пен жобаларды басқару, командада жұмыс жасай білу және көшбасшылық қабілеттерін дамыту , ерікті жастар ұйымының жұмысын оңтайлы жүргізу сияқты бағыттар бойынша қызықты дәріс алды.
Тренингке арнайы Түркиядан жеке тұлға ретінде өсу жөніндегі халықаралық тренер-коуч Рамазанов Арслан, Шымкент қаласынан экономика ғылымдарының кандидаты, доцент Дінмұхамед Жақыпбеков, Нұр-Сұлтан қаласынан Ақпарат және қоғамдық даму комитетінің жобалық менеджері - Бурлаченко Людмила келіп, жастардың біліктілігін шыңдады. "ЖАСТАР ЕРІКТІЛІК БАСҚАРУ" тренингі жастармен жұмыстың жаңа бағытын айқындап берді.
