Жаңалықтар тізбегі
0

Ипотекалық борыштарды қолдауға арналған түзетулер қосымша қаражатты талап етпейді

Нацбанк РК Нацбанк РК
Түзетулер валюталы ипотекалық борыштарды қайта қаржыландыру мерзімін 2020 жылдың 31желтоқсанына дейін ұзартты.

2020 жылдың 1 қаңтарынан бастап Ипотекалық тұрғын үй қарыздарын қайта қаржыландыру бағдарламасына енген өзгертулер мен толықтырлар күшіне енеді. Осы мәселеге қатысты қаржы қызметтерін тұтынушылардың құқығын қорғау жөніндегі департамент директоры Александр Терентьев пікір білдірді.

Оның айтуынша, мемлекет бұл өзгерістерге қосымша қаржы бөлмейді. Жеңілдік беру туралы шешімді несие берген банк жан-жақты анализден кейін ғана қабылдайды.

- Ең алдымен, бұл түзетулер халықтың әлеуметтік аз қамтылған өкілдерін қолдауға бағытталған. Олардың қатарында көп балалы аналар, мүгедек бала асырап отырған балалар,мүгедек адамдар,толық емес отбасылар бар. Өмірде әртүрлі жағдай болады, адамдар асыраушысынан айырылады немесе мүгедек болып қалады. Осы жағдайлардан кейін олар үшін қарыз төлеу қиынға соғады. Сондықтан, бұл өзгерістер өте қиын жағдайда қалған адамдарды ғана қолдауға бағытталған,-дейді Терентьев.

Жалғыз мүлкі қарыз бойынша міндетін орындау үшін банктің балансына өтіп кеткен адамдарға да қолдау көрсетіледі. Банктің балансында тұрған баспананы қарыз алушының жекеменшігіне қайтару мақсатында қаржы институттарына борышкерді қаржыландыру немесе оған баспананы сатып алу мүмкіндігімен жалға беру ұсынылды.

- Қаржыландыруға тоқталсақ, мемлекеттен қосымша қаржы бөлінбейді. Ипотекасы бар борышкерлерді қолдаудың бұл шаралары ипотекалық қарыздарды қайта қаржыландыру үшін осының алдында бөлінген қаражат аясында жүзеге асады. Қаражат банктердің жинақтарына орналастырылып, келісімшарт бекіткен мерзім аяқталған соң,Ұлттық банкке қайтарылады,-деді Ұлттық банктің өкілі.

Түзетулер валюталы ипотекалық борыштарды қайта қаржыландыру мерзімін 2020 жылдың 31желтоқсанына дейін ұзартты. Бұл дегеніміз валюталы ипотекалық борыштары бар адамдар 2020 жылдың 15 желтоқсанына дейін несие берген банктеріне жүгінуі керек деген сөз.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: