Атырау облыстық полиция департаментінің бұрынғы басшысы Тұрғымбаевтың кеңесшісі болды

Ол 2016 жылдың тамыз айынан бастап ҚР ІІМ кадрлар резервінде тұр.

Арман Жалмұханбетов Қазақстан Республикасы Ішкі істер министрінің кеңесшісі болып тағайындалды, деп хабарлайды zakon.kz.

Арман Кеңесұлы Жалмұханбетов 1961 жылы 8 маусымда Қарағанды облысының Теміртау қаласында дүниеге келген, полиция генерал-майоры.

КСРО ІІМ Қарағанды жоғары милиция мектебінің түлегі.

Еңбек жолын Қарағанды ҚІІБ-нің №223 бөлімшесінде пост қызметінен бастаған. Алматы қаласының Мәскеу, Әуезов, Калинин аудандық милиция бөлімшелерінің жедел қызметтерінде еңбек еткен.

Әр жылдары ұйымдасқан қылмыспен күрес жөніндегі орталық басқармаға, Астана ҚІІБ-на, ІІМ әскери-тергеу департаментіне, Шығыс Қазақстан және Батыс Қазақстан облыстарының ІІД-не басшылық еткен. 2012 жылдың тамыз айынан бастап Атырау облыстық Ішкі істер департаментінің бастығы болған.

2016 жылдың тамыз айынан бастап ҚР ІІМ кадрлар резервінде тұр.