Tesla-мен бәсекелес болатын аса қуатты Air көлігі сынақтан өтті

Сериялық электромобиль 2020 жылдың сәуірінде Нью-Йоркте әлемге таныстырылуы тиіс.

Америкалық Lucid Motors компаниясы тоқпен жүретін Air седанынан сынақтан өткізді. Бұл көліктің топ-версиясына орнатылатын электромотордың қуаты 1 мың аттың күшіне жуық болады екен.

Бұл туралы popmech.ru-ға сілтеме жасап zakon.kz хабарлайды.

Lucid Motors компаниясы Air электроседанын жетілдірумен көптен бері айналысып келеді. Сериялық электромобиль 2020 жылдың сәуірінде Нью-Йоркте әлемге таныстырылуы тиіс.

Air-дің базалық версиясында 406 аттың күшін өндіретін бір электромотор болады екен, жүріс запасы 386 шақырым. Қымбатырақ келетін топ-версияда 1 мыңға жуық аттың күшін өндіретін екі электромотор болады, оның бір толық зарядпен жүретін жолы 507-644 шақырым.