Қазақстанда енді кредиттік каникул беріле ме?

ҚР Ұлттық экономика вице-министрі Жаслан Мәдиев мәжілісте елде коронавирус салдарынан төтенше жағдай енгізілген кезеңде бизнесті қолдау шаралары қарастырыла ма, деген сұраққа жауап берді, деп хабарлайды zakon.kz.

- Үкімет шағын және орта бизнесті қосымша қолдау шаралары бойынша жұмыс жүргізуде. Президент сондай тапсырма берді. Қандай шаралар ұсынылғаны алдағы уақытта хабарланады. Қазір олар пысықталуда, - деді Мәдиев.

Сонымен бірге, спикерге кәсіпкерлерге арналған несиелік демалыс туралы сұрақ қойылды, бірақ вице-министр тікелей жауаптан жалтарып кетті.

"Қазір қалыптасқан күрделі жағдайды жеңілдету үшін бірқатар шаралар қарастырылуда", - деп қайталай салды ол.

Оның айтуынша, келтірілген залалды анықтау үшін "қазір барлық есептеулер жүргізіліп, тиісті шаралар әзірленуде".

"Төтенше жағдай бүгін ғана енгізілді", - деп еске салды вице-министр.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021