Аймағамбетов оқушыларды оқу жылының аяқталуымен құттықтады

2020 жылдың оқу жылындағы соңғы қоңырау шарасы оқушылар үшін онлайн режимде өтті.

ҚР Білім және ғылым министрі Асхат Аймағамбетов оқушыларды оқу жылының аяқталуымен құттықтады, деп хабарлайды zakon.kz.

Биыл 1-10 сыныптарға арналған соңғы қоңырау онлайн режимінде өтеді. 3 маусымда санитарлық нормаларды қатаң сақтай отырып мектеп бітірушілері үшін аттестат тапсыру салтанаты өтеді.

"Биылғы сабақ ерекше форматта өтіп жатыр. Әлемдік пандемия біздің күнделікті өмірімізді түбегейлі өзгертті. Биылғы оқу 4 миллионннан астам оқушы мен студент үшін қашықтықтан оқыту форматы сипатында есінде қалады деп ойлаймын.Қысқа уақыттың ішінде барлығыңыз жұмысты дұрыс ұйымдастыра білдіңіздер. Бұл - мұғалімдердің, ата-аналардың, оқушылардың бірлескен әрекетінің нәтижесі деп білемін" деген министр Facebook-тегі парақшасына жүктеген видеодағы құттықтау сөзінде осы үшеудің әрқайсысына жекелей тоқталады.

Министрдің құттықтауын төмендегі видеодан толықтай тамашалай аласыздар: