Елордадағы Оқжетпес көшесі 10 шілдеге дейін жабық болады

Жолда жөндеу жұмыстары жүргізілуіне байланысты.

Жүргізушілерге маршрутын алдын-ала жоспарлау ұсынылады, деп хабарлайды zakon.kz елорда әкімдігінің ресми сайтына сілтеме жасап.

Көше-жол желісін орташа жөндеу аясында Оқжетпес көшесінде К.Байсейітова көшесінен Көктал көшесіне дейінгі учаскеде жол-құрылыс жұмыстары жүргізілуде, деп хабарлады қалалық көлік және жол-көлік инфрақұрылымын дамыту басқармасы.

Осыған орай, 17 маусымнан 10 шілдеге дейін бұл учаскедегі көлік қозғалысы жартылай жабылады.

"Елорда тұрғындары мен қонақтары жолдарда кептеліс тудырмау үшін маршрутын алдын-ала жоспарлау керек", - делінген хабарламада.