Жаңадан тағайындалған Қаржы министрі де қашықтықтан жұмыс істеу режиміне көшті
inbusiness.kz
Қаржы министрі Ерұлан Жамаубаев өзін-өзі оқшаулап, қашықтықтан жұмыс істеуге көшті, деп хабарлайды zakon.kz.
Бұл ақпаратты министрліктің баспасөз қызметі растады.
Оның бұрын өткізген тестері теріс нәтиже көрсеткен. Бірақ жұмысқа күнде шығып жүргендіктен, онымен араласқан адамдар арасында коронавирус инфекциясы расталғандар болуы әбден мүмкін. Сондықтан министр қысқа уақытқа өз-өзін оқшаулауды ұйғарды, деп хабарлады министрліктегілер.
Денсаулық сақтау министрінен коронавирус анықталғандықтан ҚР Премьер-министрі Асқар Мамин, Жамбыл облысының әкімі Бердібек Сапарбаев, Білім министрі Асхат Аймағамбетов, Ауыл шаруашылығы министрі Сапархан Омаров және Экология министрі Мағзұм Мырзағалиев өз-өзін оқшаулануға мәжбүр болды. Олардың барлығы жаңа вирусқа тест тапсырды, бәрінің нәтижесі, әзірге теріс. 17 маусымда Мәжіліс Төрағасы Нұрлан Нығматулиннен коронавирус анықталды, ол да өз-өзін оқшаулауды. Коронавирус жұқтырған Денсаулық сақтау министрі Елжан Біртановтың жағдайы орташа деп бағаланады, оған пневмония диагнозы қойылған.
