Көбейтұз көлінің тұзы коронавирустан ем ретінде сатылып жатыр
Сурет: zakon.kz
Қызыл көл - Көбейтұздың тұзы сатылып жатыр. Сатушылар оның коронавирустан емделуге көмектесетінін айтады. Осыған байланысты Экология министрлігі тексеру бастады, деп хабарлайды zakon.kz.
"Көбейтұз көлінен алынған тұздың бір келісі - 5000 теңге. Ол көптеген ауруларды емдейді, коронавирус пен диареяға да көмектеседі. Онымен тамақты шайқап, тамаққа қосып, тұзды ванна қабылдауға болады. Хабарплама қалдырсаңыз болғаны, өзіміз жауап жазамыз, тек 10 шелек қалды", - делінген хабарламада.
Бұған пікір жазушылар сатушыларды "табиғатты бүлдіріп жатыр" деп айыптады. Экология министрлігі осы мәселеге қатысты тексеріс басталғанын айтты.
"Біз Көбейтұз көлінің басына келдік. Экологиялық реттеу және бақылау комитетінің төрағасы Зұлфықар Жолдасов бастаған Экология министрлігінің мамандары тобы қажетті жұмыстарды жүргізуде, қазірдің өзінде шаралар қабылдануда. Сонымен қатар, экологтар шөгінділердің сапасы мен түбін тексеру үшін су сынамаларын алды. Кешке жұмыстың алдын-ала нәтижелері туралы есеп береміз", - деп жазды департаменттің баспасөз хатшысы Самал Ибраева.
Оның айтуынша, көлдің ластануы және табиғи тұзды алуға тыйым салынғанына қарамастан оның өндіріліп жатқанына министрлік алаңдауда.
Бұған дейін Ақмола облысындағы қызғылт Көбейтұз көлі адамдардың көп келуіне байланысты жабылды деп хабарланған болатын.
Бұл шешім Ерейментау ауданының тұрғындары арасында коронавирустың жұқтыру жағдайларының көбеюіне байланысты қабылданды. Тыйым эпидемиологиялық жағдай тұрақталғанша күшінде болады.
