Қазақстанда 11 баладан Кавасаки синдромы анықталды

24.kz

Үшеуі ауруханадан босап шықты, қалған сегізі әлі ем алып жатыр.

Қазақстанда 11 балаға Кавасаки синдромы диагнозы қойылды. Бұл туралы ҚР Денсаулық сақтау министрлігінің ресми өкілі Бағдат Қожахметов мәлімдеді, деп хабарлайды zakon.kz.

"Қазақстанда 11 балада Кавасаки синдромына ұқсас белгілер анықталды. Кавасаки синдромына тек бес жасқа дейінгі балалар шалдығады. 11 баланың тек екеуі - бес жасқа дейінгі балалар, ал қалған тоғызының жасы 5 пен 17 жас аралығында. Нұр-Сұлтанда ауруханада осындай диагнозбен жатқан балалардың үшеуі үйіне босатылды, тағы сегізі Алматы, Ақтөбе, Қарағанды және елорда ауруханаларында ем алып жатыр", - деді Бағдат Қожахметов ОКҚ брифингінде.

Ол Кавасаки синдромының белең алуы балалардағы коронавирус инфекциясының ауыр жүруінің салдары екенін атап өтті. Бұл - өте сирек кездесетін ауру, соңғы кездері Ковид-19 бар науқастар санының өсуіне байланысты жиі кездесуде.

Оқи отырыңыз