Әлеуметтік маңызды тауарлар бағасының қатты өсуіне жол берілмейді - министр

Inbusiness.kz

Әлеуметтік маңызды азық-түлік тауарларына қатысты баға өсімі тұрақталады және ол жыл соңына дейін 6% -дан аспайды.

Әлеуметтік маңызды тауарлардың бағасы реттеліп, тұрақтандырылып жатыр, деп мәлімдеді ҚР Сауда және интеграция министрі Бақыт Сұлтанов, деп хабарлайды zakon.kz.

- Біздің бағалауымыз бойынша, әлеуметтік маңызды азық-түлік тауарларына қатысты баға өсімі тұрақталады және жыл соңына дейін ол 6% -дан аспайды. Бұл бағалау барлық ағымдағы факторларды және бағаны тұрақтандыру үшін мемлекет қабылдаған шараларды қамтиды. Бағаны тұрақтандырудың негізгі факторларына мыналар жатады: өркениетті бөлшек және сауда инфрақұрылымын дамыту бойынша жүйелі жұмыс, айналымды қаржыландыру, әлеуметтік маңызды азық-түлік тауарларының бағаларын тежеу жөніндегі қысқа және орта мерзімді шаралардың қабылданған Жол картасы шеңберінде мониторинг пен үйлестіруді күшейту (...), деді Бақыт. Сұлтанов үкімет отырысында.

Оның айтуынша, dosmart.kz жүйесін министрліктің аумақтық бөлімшелері мен әкімдіктер әлеуметтік маңызы бар тауарлардың бағасын онлайн режимінде бақылау үшін пайдалана алады.Ол жеке тұлғалар бойынша тіркелген соңғы деректерді көрсете алады, соның ішінде ML технологиялары бойынша өңдеуге арналған чек-түбіртектерінің фотосуреттерін алуға және 1% көлемінде ақшаны қайтарып алуға, сондай-ақ дүкендерде тауарлардың бағалары мен қолжетімділігін бақылауға мүмкіндік береді.

- Қазіргі уақытта бағаны тұрақтандыру шеңберінде министрлік стационарлық емес сауда оырндарын жаңарту және сауда жабдықтарын сатып алу үшін ұзақ мерзімді қаржыландыруға қолжетімділікті ұсынады. Электрондық сауданы дамыту бойынша шаралар кешені әзірленуде. Сонымен қатар, ұлттық дистрибьютерлік жүйені құру бойынша біршама жұмыс атқарылуда, деп сөзін толықтырды ол.

Оқи отырыңыз