БАҚ басшыларына сайлау заңнамасы туралы ескертілді
![inform.kz, сурет - Zakon.kz жаңалық 10.12.2020 18:44](https://kaz.zakon.kz/pbi/WEBP/2023-12-20/file-5235268b-8cb0-4066-9b8b-b57321e48588/800x452.webp)
2020 жылғы 7 желтоқсанда Ақпарат және қоғамдық даму вице-министрі Кемелбек Ойшыбаев жетекші отандық БАҚ басшыларымен онлайн-форматта кездесті, деп хабарлайды zakon.kz Ақпарат және қоғамдық даму министрлігі баспасөз қызметіне сілтеме жасап.
Іс-шарада бұқаралық ақпарат құралдарының сайлау заңнамасын сақтау мәселелері талқыланып, сайлау заңнамасының бұқаралық ақпарат құралдары жиі бұзатын бірқатар нормалары түсіндірілді және электоралды кезеңде оларға жүктелетін жауапкершілік жөнінде айтылды.
Сонымен қатар, БАҚ-та үгіт материалдарын төлеу шарттары туралы ақпаратты орналастыру талаптары мен мерзімдеріне қатысты сөз қозғалды.
Кездесу барысында сайлау заңнамасын бұзу статистикасы, сондай-ақ прокуратура органдарымен және басқа да құқық қорғау органдарымен қабылданған шаралар туралы аталып өтті.
Министрлік басшылығы ҚР заңнамасының талаптарын сақтауды қамтамасыз етуге және бірлескен күш-жігермен елде ашық және әділ сайлау өткізуге ықпал етуге шақырды.
Сайлау кезінде Қазақстан Республикасында БАҚ пен журналистерге арналған жадынама.