Алматыда жалған бухгалтерлік құжаттар жасаған азаматтар сотталды
okna-tm.kz
ҚР ҚМ Қаржы мониторингі комитетінің Алматы қаласы бойынша Экономикалық тергеу департаменті жалған шот-фактуралармен бухгалтерлік құжаттарды материалдық сыйақы үшін жасап келген азаматтарға қатысты сотқа дейінгі тергеу амалдарын аяқтады, деп хабарлайды zakon.kz.
Тергеу кезінде анықталғандай, Алматы қаласының тұрғындары 2017-2019 жылдар аралығында өзіндеріне тиесілі 7 ЖШС арқылы коммерциялық ұйымдарға салықтан жалтару үшін, ЖШС арасында 6 млрд. теңгеден аса сомаға сауда саттық болған делінген жалған шот-фактуралар жазумен айналысқан.
Аталған азаматтардың алдын ала сөз байласып экономика саласындағы жасаған заңсыз іс-әрекеттерінен мемлекетке аса ірі көлемде залал келтірілген.
Алматы қаласы Түрксіб аудандық сотының үкімімен қылмысты жасаған 3 азамат ҚР ҚК 28 бабы 3-б., 29 бабы 5-б. және 216 бабы 3-б. (іс жүзінде жұмыстар орындалмай, қызметтер көрсетілмей, тауарлар тиеп-жөнелтілмей шот-фактура жазу бойынша әрекеттер жасау) кінәлі деп танылып 2,6 жылдан 3 жылғы дейін бас бостандықтарынан айырылды.
Сондай-ақ, соттың үкіміне сәйкес, аталған азамат 10 жыл мерзімге экономикалық қызмет саласындағы жетекші лауазымдарды атқару құқығынан айырылды.
Сотқа дейін үй қамағындағы айыпталушы азаматтар, сот залынан қамауға алынды.
