Өзбекстанның 1,6 миллион азаматы шетелде жүр

Dmitry Rogulin (TASS)

Шетелде жүрген азаматтардың 28,7% – әйелдер, 59,2% – жастар.

Бүгінгі күні Өзбекстанның 1,6 миллион азаматы шетелде жүр. Осылай деп өлкенің Экономикалық даму және кедейшілікті азайту министрлігі мәлімдеді, деп жазады centralasian.org.

Мекеме мәліметіне қарағанда, 2021 жылдың 1 қаңтарына қарағанда шетелде жұмыс істеп жүрген мигранттардың саны 1 678 400-ды құраған. Бұл 2020 жылдың басындағы көрсеткішпен салыстырғанда 782 499 адамға аз.

Шетелде жүрген өзбекстандық азаматтардың 481,1 мыңын, яғни 28,7% – әйелдер, 993,7 мыңын, яғни 59,2% – жастар құрайды.

Мигрант ретінде жүрген өзбекстандықтардың саны бойынша Ресей алдыда — бұл өлкеде 1 192 800 өзбек азаматы (71%) бар. Қазақстанда 209 300 (12%), Оңтүстік Кореяда 62 300 (4%), Түркияда 43 200 (3%), БАӘ-де 5 200 (0,3%) және басқа елдерде 165 600 өзбекстандық істейді.

Өзбек мигранттарының дені құрылыста (49%), өндірісте (11%), сауда мен қызмет көрсету тармағында (10,4%), аграрлық секторда (7,8%) және басқа салаларда (20,9%) істейді.

Оқи отырыңыз