Жарты жыл іздеуде жүрген сотталушы "Алматы-Өскемен" пойызында ұсталды
ШҚО ҚАЖ Департаменті
ШҚО-да "Пробация" жедел алдын алу іс-шарасы өтуде, деп хабарлайды zakon.kz.
Шығыс Қазақстанда пробация қызметкерлері 6 айдан астам іздеуде жүрген сотталушыны ұстады. Пробация қызметінің қызметкерлері Көкпекті ауданының полиция бөлімімен бірлесіп, "Пробация" жедел — профилактикалық іс-шарасының бірінші күні бұрын іздеуде жүрген сотталған адамды ұстады.
Айта кетсек, 20 жастағы сотталған 2020 жылы алаяқтық үшін 3 жыл 6 айға бас бостандығынан шектеу жазасына сотталған. Бірақ сот үкімі заңды күшіне енгеннен кейін ол пробация қызметіне есепке тұруға келмеген. Осыдан кейін оған іздеу жарияланған.
Қызметкерлер оны "Алматы-Өскемен" пойызында ұстады. Қазіргі уақытта ол уақытша ұстау изоляторына қамалды. Енді оған жазаны 3.5 жыл мерзімге бас бостандығынан айырылуы мүмкін, - деді әділет аға лейтенанты Марат Төлепбергенов.
Айта кетейік, 15-24 наурыз аралығында ШҚО-да "Пробация "жедел алдын алу іс-шарасы өткізіледі. Мақсаты-құқық бұзушылықтар мен қайталама қылмыстардың алдын алу .
