Арыс қаласына жаңа әкім тағайындалды
Түркістан облысы әкімінің баспасөз қызметі
ҚР Президенті Әкімшілігінің келісімімен, Арыс қалалық мәслихаты депутаттарының қолдауымен, Арыс қаласының әкімі болып Гүлжан Мамытқызы Құрманбекова тағайындалды, деп хабарлайды zakon.kz.
Гүлжан Құрманбекова 1965 жылы Отырар ауданында дүниеге келген.
1987 жылы Алматы халық шаруашылық институтын бітірді.
Еңбек жолын Шәуілдір жолаушылар автокөлігі мекемесінің кассирі болып бастаған.
1987-1992 жылдары Қызылқұм аудандық қаржы бөлімінің кіріс есебінің инспекторы, тексеруші –инспекторы, аға экономисті қызметтерін атқарған.
1992-2004 жылдары ОҚО қалалық қаржы бөлімінің аға тексеруші-инспекторы, бас экономист, бас маман-бас экономисті.
2004-2005 жылдары – ОҚО білім департаментінің бас маманы, Шымкент қаржы бөлімі меңгерушісінің орынбасары.
2007-2010 жылдары – Шымкент қаласының қаржы бөлімінің бастығы.
2010-2020 жылдары – Шымкент қаласының экономика және қаржы бөлімінің бастығы, Шымкент қаласы әкімінің орынбасары қызметін атқарды.
2020 жылдан бері Түркістан облысы әкімінің экономика, қаржы мәселелері бойынша кеңесшісі болды.
"Қазақстан Республикасының Конституциясына 10 жыл", "Қазақстан Республикасының Тәуелсіздігіне 25 жыл" мерейтойлық медальдарымен, "Ерен еңбегі үшін" медалімен марапатталған.
