NASA Қазақстанға алғыс білдірді

Біз Қазақстанның ғарышты игеруде шешуші рөл атқаратындығын және NASA-ның ондаған миссиясының ғарышқа ұшуға шыққандағы қақпасы болғанын мойындаймыз.

Аэронавтика және ғарыш кеңістігін зерттеу жөніндегі ұлттық басқарма (NASA) әлеуметтік желіде Қазақстанға алғыс білдіріп, жазба жариялады, деп хабарлайды zakon.kz.

Бүгін біз Адамзаттың ғарышқа ұшуы халықаралық күнін атап өтіп жатырмыз! Сондай-ақ биыл біз АҚШ пен Қазақстан арасындағы достықтың 30 жылдығын да атап өтеміз. Біз Қазақстанның ғарышты игеруде шешуші рөл атқаратындығын және NASA-ның ондаған миссиясының ғарышқа ұшуға шыққандағы қақпасы болғанын мойындаймыз, деп жазды АҚШ-тың Қазақстандағы елшілігі Twitter-де.

Өз кезегінде NASA-ның Twitter-дегі ресми парақшасында елшіліктің жазбасына жауап жарияланды.

Қазақстанмен арадағы маңызды серіктестік NASA - адамзаттың орбиталық зертханасын іске қосу алаңына айнала отырып, армандардың орындалуына көмектесті. Адамзаттың ғарышқа ұшуының халықаралық күні құтты болсын! - делінген АҚШ ғарыш агенттігінің хабарламасында.

This important partnership with Kazakhstan has helped make dreams come true, serving as a launchpad to humanity’s orbital laboratory — the @Space_Station. Happy International Day of Human Space Flight! pic.twitter.com/OHggnoScGt

— NASA (@NASA) April 12, 2021