Отандық екпені мұғалімдер, медицина және полиция қызметкерлері бірінші болып алады
primeminister.kz
Отандық QazVac 26 сәуірден бастап вакцина алғысы келетіндерге қолжетімді болады. Рас, бірінші кезекте оны басым санаттарға жататын азаматтарымыз ала алады, ал содан кейін қалғандары алады. Бұл туралы ОКҚ-да өткен брифингіде ҚР Денсаулық сақтау министрлігіне қарасты медициналық орталықтардың өкілдері айтты, деп хабарлайды zakon.kz тілшісі.
ҚР Денсаулық сақтау министрлігі Ұлттық денсаулық сақтау орталығы басқармасы төрағасының орынбасары Айнагүл Қуатбаеваның айтуынша, биыл 26 сәуірден бастап медициналық ұйымдарда QazVac екпесін салдыртуға болады.
Вакцинацияны жүргізу технологиясы мен тактикасы Sputnik-V-мен бірдей, әрине сақтау және тасымалдау тәсілінен басқасы. Бұл вакцинаны +8 температурада сақтау керек. Біз медициналық қызметкерлерге температураны ұстап тұруды және бақылауды ескертеміз. Бұл жағдай стационарлық екпе салу бөлмелерінде де, жылжымалы екпе егу бригадаларында да сақталуы керек, деп түсіндірді ол.
Өз кезегінде, ҚР Денсаулық сақтау министрлігі Ұлттық денсаулық сақтау ғылыми орталығы Санитарлық-эпидемиологиялық сараптама және мониторингі ғылыми-практикалық орталығы филиалы директорының орынбасары Манар Смағұл қазіргі уақытта Денсаулық сақтау министрлігінде QazVac-ты өңірлерге жеткізу үшін барлығын белгілеп, қарастырып қойғанын айтты.
Аймақтардағы халықтың тығыздығына байланысты вакцина 1 мыңнан 3 мың дозаға дейінгі аралықта бөлініп, барлық аймақтарда қолжетімді болады. Мүмкін кейбір аймақтар оны ертең медициналық ұйымдардан ала алады. Жалпы дүйсенбіден бастап таратылған вакциналар белгіленген медициналық ұйымдарда тұратын болады, - деді ол.
Оның айтуынша, бірінші кезекте отандық вакцина басым топтарға жататын азаматтарға салынады.
Sputnik-V пайда болған кезде біз бірінші болып қауіп тобына жататын адамдарға екпе жасадық. Бұл - медициналық қызметкерлер, мұғалімдер мен полиция қызметкерлері. Егер бұл топқа жататындар толық қамсыздандырылмаса және осы топтағы адамдар отандық вакцина салдыртқысы келсе, онда ең бірінші кезекте соларға басымдық берілетін болады, деп сөзін түйіндеді Смағұл.
Бұған дейін 50 мың доза мөлшеріндегі алғашқы партия "СК-Фармация"-ның Алматы, Шымкент, Ақтөбе және Нұр-Сұлтандағы хабтарына жөнелтілетіні хабарланған болатын.
