Өткен тәулікте коронавирус пен пневмониядан 32 адам көз жұмды

26 мамырдағы жағдай бойынша 31 232 адам коронавирус инфекциясынан емделіп жатыр.

Қазақстанда бір тәулік ішінде коронавирустан 28 адам, пневмониядан төрт адам қайтыс болды, деп хабарлайды zakon.kz.

26 мамырдағы жағдай бойынша 31 232 адам коронавирус инфекциясынан емделіп жатыр (30 667: КВИ + және 565 КВИ -), оның 11 986-сы стационарда, ал 19 246 науқас амбулаториялық деңгейде ем алуда.

КВИ + және КВИ - науқастар арасында:

- 668 науқастың жағдайы ауыр,

- 171 науқас - өте ауыр дәрежеде,

- 107 науқас жасанды тыныс алу аппаратына қосылған, деп хабарлады Денсаулық сақтау министрлігі.