Синоптиктер Нұр-Сұлтандағы түтіннің себебін түсіндірді

Павел Михеев / zakon.kz

Қазақстанның солтүстік-шығыс өңірлерінің үстінде түтін пердесі тұр.

Синоптиктер Нұр-Сұлтандағы түтіннің себебін түсіндірді, деп хабарлайды zakon.kz.

Өткен тәуліктерде республиканың өңірлерінде көлемді циклон әсерінен бұлтты ауа-райы сақталды. Сонымен қатар, ауа ағындары Сібірдің орман өрттерінен түтін жамылғысын әкелді. Атмосфераның беткі қабатындағы ылғалдың жоғары мөлшері ластаушы заттардың (өрт түтіні, пайдаланылған газдар және т.б.) жиналуына қолайлы болды.

2021 жылдың 10-11 тамызында Нұр-Сұлтан қаласының аумағында атмосфералық ауада шекті рұқсат етілген нормадан асып кету азот диоксиді бойынша 1,7 ШРК-ға дейін тіркелді.

Алдағы күндері синоптикалық процестерді қайта құру күтілуде. Ауқымды биік циклоны Қазақстанның солтүстігіндегі ауа-райы жағдайларының қалыптасуын тоқтатады. Бұл өз кезегінде түтін шымылдығының сейілуіне, оның одан әрі елдің шегінен тыс жерлерге ауысымына, және ҚР аумағына жаңа, салқын ауа массасының келуіне себепші болады.

Болжам бойынша 12 тамызда түнде жаңбыр, найзағай, екпінді жел күтіледі. Ауа температурасы түнде 8-10 градусқа, күндіз 16-18 градусқа дейін төмендеуі болжануда.

Оқи отырыңыз