Қазақ стайл көрсетем. Боксшы Жәнібек Әлімханұлы мәлімдеме жасады

5 қарашада ол Хассан Ндам Нжикамға қарсы жекпе-жек өткізеді.

Жеңілмеген қазақстандық нокаутшы Жәнібек Әлімханұлы мәлімдеме жасады, деп хабарлайды zakon.kz.

Мен басқамын, оны бәрі біледі. Менің стилім басқа. Қазақ стилі – әлемдегі ең үздік стиль. 5 қарашада мұны көрсетемін, - деп жазды боксшы өзінің Twitter парақшасында.

Естеріңізге сала кетейік, 5 қарашада Лас-Вегаста Top Rank бокс кеші аясында Жәнібек Әлімханұлы бұрынғы әлем чемпионы, француз Хассан Ндам Нжикамға қарсы жекпе-жек өткізеді.

Қазақстандық боксшы үшін бұл биылғы екінші жекпе-жек. Маусым айында орта салмақтағы кәсіпқой боксшы, американың бұрынғы чемпионы Роб Брантты уақытынан бұрын жеңді.

Бақытжан Отарбаева