Қазақстанда шетелдік басылымдарды есепке алу ережелері әзірленді
Pixabay
Ақпарат және қоғамдық даму министрлігі Қазақстан Республикасында таратылатын шетелдік мерзімді баспасөз басылымдарын есепке алуды жүзеге асыру қағидаларының жобасын әзірледі, деп хабарлайды zakon.kz.
Ереже республиканың ақпараттық кеңістігінің жай-күйін дұрыс және уақтылы талдау үшін Қазақстан Республикасында таратылатын шетелдік мерзімді баспасөз басылымдарын есепке алуды жүзеге асыру тәртібін белгілейді.
Шетелдік мерзімді баспасөз басылымдарын есепке алу үшін уәкілетті органға таратушының атауы, шетелдік мерзімді баспасөз басылымының атауы, таралу аумағы, таралу тілі, негізгі тақырыптық бағыты, кезеңділігі, таратылатын даналардың болжамды саны көрсетіле отырып өтініш беріледі.
Өтініш уәкілетті органда тіркелген күннен бастап он жұмыс күні ішінде қаралады.
Ұсынылған құжаттар қағидалардың талаптарына сәйкес келген жағдайда уәкілетті орган есепке қою күнін, құжаттың нөмірін, таратушының атауын есепке алу журналына енгізу арқылы шетелдік мерзімді баспасөз басылымдарын есепке қояды.
Өтінішті қарау қорытындысы бойынша таратушыға шетелдік мерзімді баспасөз басылымын есепке алу не одан бас тарту туралы құжат беріледі.
27 қазанға дейін "Ашық НҚА" сайтында құжатты жария талқылауға қатыса аласыз.
Бақытжан Отарбаева
