Активтерді шетелге шығаруға тосқауыл қою жөнінде семинар өтті
![ҚР ҚМА Баспасөз қызметі, сурет - Zakon.kz жаңалық 15.10.2021 23:32](https://kaz.zakon.kz/pbi/WEBP/2023-12-20/file-f96b56b5-b225-42e7-a76c-45039ad596f9/800x452.webp)
Қаржылық мониторинг агенттігі мен Нұр-Сұлтан қаласындағы ЕҚЫҰ Бағдарламалар офисі 14-15 қазанда Қазақстан Республикасын ФАТФ халықаралық стандарттарына сәйкестігі мәніне алдағы Өзара бағалауға дайындық шеңберінде активтерді шетелге алып өтуге қарсы іс-қимыл және оларды шығарылған елге қайтару жөнінде семинар өткізді, деп хабарлайды zakon.kz.
Семинарға Бас прокуратураның, Ұлттық Банктің, Сыбайлас жемқорлыққа қарсы іс-қимыл агенттігінің, Әділет министрлігінің, Мемлекеттік кірістер комитетінің өкілдері қатысты.
Халықаралық сарапшы Денис Кунев капиталды шетелге әкетуге қарсы іс-қимылды халықаралық-құқықтық реттеу туралы айтты, шет елдердің тәжірибесімен және күдікті операцияларды анықтаудың мысалдарымен бөлісті.
Халықаралық тәжірибе құқық қорғау органдарының Қазақстаннан капиталды әкетуге қарсы іс-қимыл бойынша шараларды жетілдіруіне мүмкіндік береді.