Антиваксер Айна Бакееваны 10 тәулікке қамап тастады
![Zakon.kz/Максим Золотухин, сурет - Zakon.kz жаңалық 28.10.2021 16:17](https://kaz.zakon.kz/pbi/WEBP/2023-12-20/file-6e2b49a7-fcde-47a8-b28c-1ac3af90c140/800x452.webp)
Жалған ақпарат таратқаны үшін.
Антиваксер Айна Бакеева дәретханада мектеп оқушысын вакциналады деп жалған ақпарат таратқаны үшін 10 тәулікке қамауға алынды, деп хабарлайды Zakon.kz.
Нұр-Сұлтан қаласының Әкімшілік құқық бұзушылықтар жөніндегі мамандандырылған ауданаралық сотының қаулысымен Айна Бакеева ұсақ бұзақылық жасағаны үшін кінәлі деп танылды (ҚР ӘҚБтК-нің 434-бабының 1-бөлігі) және 10 тәулік мерзімге қамауға алу түрінде әкімшілік жазаға тартылды. Қаулыны орындауды сот Шымкент ПД-не жүктеді. Нұр-Сұлтан сотының баспасөз қызметі
Қаулы заңды күшіне енген жоқ. Бұған дейін Қазнетте елордалық №58 мектепте балаларға жасырын түрде дәретханада екпе жасалып жатқаны туралы жалған хабарлама тараған болатын. Нұр-Сұлтан қаласының білім басқармасы бұл жалған ақпарат екенін нақтылады.
Бақытжан Отарбаева
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript