Алматы тауларында қар түсіп, жаңбыр жауады

Қалалық ТЖД ауа-райы нашарлаған кезде жеке қауіпсіздік шараларын сақтау қажеттігін ескертеді.

Алматы қаласында дауылды ескерту жарияланды, деп хабарлайды Zakon.kz.

30 қазанда Алматы тауларында жауын-шашын (жаңбыр, қар) болады. Түнде және таңертең тұман түседі. 30, 31 қазанда желдің екпіні 15-20 м/с жетеді, - деп хабарлайды Алматы қаласы ТЖД баспасөз қызметі.

Баспасөз қызметі ауа-райы нашарлаған кезде жеке қауіпсіздік шараларын сақтау қажеттігін ескертеді.

Сулы қар жауған кезде қалай әрекет ету керек:

- Көшеде болған кезде абай болыңыздар, электр желілерінің үзілмегеніне назар аударыңыз, электр желілері үзілгені жағдайда қалалық телефоннан "01" немесе ұялы телефоннан "101" телефонына қоңырау шалыңыз;

- ауладағы осал құрылымдарды бекітіңіз, себебі олар құласа, адамдарға зақым келтіруі мүмкін.