Ресей Қазақстанға қару-жарақ жеткізуді жеделдетті – Қорғаныс министрлігі не дейді?

ҚР ҚМ

ҚР ҚМ түсініктеме берді.

Қорғаныс министрлігі Қазақстанға 2021 жылы ресейлік қару-жарақ пен әскери техниканы жеткізу туралы ақпаратқа түсініктеме берді, деп хабарлайды Zakon.kz.

2021 жылы Ресей тарапы Қазақстан Қарулы Күштерінің мүддесі үшін "Орлан-10Е" ҰҰА бар көпфункционалды кешенді ғана жеткізеді, - деп нақтылады ведомстводан.

Сонымен қатар, Су-30СМ ұшақтары, Ми-35М тікұшақтары, "Бук-М2Э" зениттік зымыран кешені, БТР-80 және БТР-82А бронетранспортерлері, сондай-ақ атыс қаруын Қазақстан өткен жылдары сатып алған.

Қазақстан армиясының қару-жарағында "Тайфун-К" жеңіл брондалған автомобильдері жоқ екенін қосымша хабарлаймыз, деп толықтырды баспасөз қызметі.

Бұған дейін ресейлік жаңалықтар сайттарының бірінде Ресей Ауғанстандағы қақтығыс кезінде Қазақстан мен Өзбекстанға әскери жеткізілімдерді жеделдеткені айтылған болатын.

Бақытжан Отарбаева

Оқи отырыңыз