16:46, 13 қаңтар 2022

Алматыда өртенген көліктер айып тұрағында тұр – фоторепортаж

Митинг, өртенген көлік, Алматы, сурет - Zakon.kz жаңалық 13.01.2022 16:46

Zakon.kz тілшісі Алматыдағы жаппай тәртіпсіздік кезінде өртенген көліктер қойылған айып тұрағына барып, жағдайды көзімен көріп келді

Алматыда жаппай тәртіпсіздік басталғаннан бері Құтқару қызметі айып тұрағына 140 автокөлікті алып барған. Олардың арасында жеңіл көліктер, жүк көліктері, инкассаторлық көліктер мен автобустар бар.

Көліктердің басым бөлігі Көкжиек ықшамауданындағы айып тұрағына жеткізілген.

5 қаңтардан бүгінге дейін Құтқару қызметі 140 көлікті шығарды. Мұнда өртенген 47 көлік бар, 48-іне оқ атылған. Мұнда тәртіпсіздік кезінде қираған көліктер де бар. Оның 30-ы полиция көлігі, біз ол көліктерді ІІД-ге апардық.Құтқару қызметінің директоры Бисеғали Жүнісов

Ұлжан ықшамауданындағы айып тұрағында оқ атылған 32 көлік тұр. Олардың кейбірінен мәйіттер табылған. Бұл көліктерді қазір прокуратура тексеріп жатыр.