Мемлекет басшысы: Көк байрағымызды қоғамдық жерлерде және жекеменшік орындарда қоюға еш тыйым жоқ

Сурет: Zakon.kz

Бүгін Ақордада президенттің қатысуымен мемлекеттік наградалар мен сыйлықтарды салтанатты табыстау рәсімі өтіп жатыр. Алқалы жиында президент еліміздің барша азаматтарын біріктіріп, ортақ іске жұмылдыратын мемлекеттік рәміздердің рөліне ерекше тоқталды, деп хабарлайды Zakon.kz.

Мемлекет басшысының сөзінше, еліміздің барша азаматтарын біріктіріп, ортақ іске жұмылдыратын тағы бір символ – Мемлекеттік ту. Егемен елдің аспанында, Біріккен Ұлттар Ұйымының төрінде желбіреген туымыз – бәріміздің мақтанышымыз.

Қазақстанның көк байрағы ғарышқа сапар шекті, ең биік шыңдарда желбіреді. Туымызға арналған керемет әндер, өлең-жырлар бар. Әрбір азаматымыз оларды тыңдаған сайын ерекше рухтанады. Спортшыларымыз әлемдік жарыстарда туымызды көтеріп, әнұранымызды шырқап жүр. Олардың көк туымызға деген ерекше құрметі барша әлемді тәнті етуде. Бұл – нағыз отаншылдықтың белгісі. Шынайы отансүйгіштік әрбір азаматымыздың бойында бар. Президент

«Салтанатты жиынға мемлекет басшысы түркістандық Мұхамед Қансейітті арнайы шақырды. Ол қауіп-қатерге қарамастан, Туымызды және Елтаңбамызды өрттен аман алып шыққан.

Осындай азаматтардың арқасында біздің мемлекеттілігіміздің тұғыры нығая түседі. Біз оларды жастарға үлгі-өнеге етуіміз керек. Отаншылдық ұрандаған сөзден емес, нақты істен көрінеді. Азаматтарымыз еліміздің дамуына табанды еңбегімен үлес қосады. Сондай-ақ қастерлі Отанымыздың тұтастығын ерлігімен нығайтатын азаматтар да аз емес. Кейбір елдердің тұрғындары өз рәміздерін ерекше қадірлеп, барлық жерде асқақтатып жүреді. Қасым-Жомарт Тоқаев

Бүгінгі күні президенттің тапсырмасы бойынша елімізде мемлекеттік рәміздерді пайдалану ережесі өзгертілді.

Әрбір азаматымыз қастерлі Отанымызға деген сүйіспеншілігін мемлекеттік рәміздерге құрметі арқылы көрсете алады. Қазір байрағымызды қоғамдық жерлерде және жекеменшік орындарда қоюға еш тыйым жоқ. Біз домбыраға әр қазақтың төрінен орын бар дейміз. Бұл - дұрыс. Сол сияқты еліміздің әр отбасында көк байрағымыз тұрса, өте жарасымды болатыны сөзсіз. Біздің туымызда халқымыздың бүкіл рухы көрініс тапқан. Оған елдің терең тарихы, салт-дәстүрі, мәдениеті, бір сөзбен айтқанда, ұлт құндылықтарының барлығы сыйып тұр. Мемлекет басшысы

Оқи отырыңыз