АҚШ Мемлекеттік хатшысы қазақстандықтарды Республика күнімен құттықтады

Елші қазақстандықтарды республика күнімен құттықтады, сурет - Zakon.kz жаңалық 25.10.2022 12:00

Сурет: state.gov

Энтони Блинкер АҚШ Қазақстанның егемендігі, тәуелсіздігі мен аумақтық тұтастығын жақтайтынын мәлімдеді. Сондай-ақ ол алдағы жылдары қарым-қатынастың одан әрі нығая түсетініне сенім білдірді, деп хабарлайды Zakon.kz.

Республика күні Қазақстанның тәуелсіздігін жариялауға арналған. Тәуелсіздік алғаннан бері Қазақстан ядролық қаруды таратпау, қарусыздану және халықаралық бейбітшілік пен қауіпсіздік саласындағы күш-жігерді ілгерілететін жаһандық диалогтың көшбасшысы болып табылады. Бұл туралы АҚШ мемлекеттік хатшысы Энтони Блинкен мәлімдеді.

Америка Құрама Штаттары Қазақстанның реформалық күн тәртібін қолдайды және оның нақты, ашық әрекеттер арқылы толық жүзеге асырылуын жақтайды. Қазақстан Орталық Азияның қақ ортасындағы құнды экономикалық және сауда серіктесі болып табылады және біз оның аймақтағы ортақ мақсаттарды ілгерілетудегі белсенді рөлін жоғары бағалаймыз. Энтони Блинкен

Мемлекеттік хатшы АҚШ Қазақстанның тәуелсіздігін алғашқылардың бірі болып танығанын атап өтті.

Біз Қазақстан халқымен 31 жылдық берік достығымызды мақтан тұтамыз. Біз бірлесіп, аймақта және одан тыс жерлерде бейбітшілік, өркендеу және тұрақтылық жөніндегі ортақ басымдықтарымызды алға жылжытуды жалғастырамыз. Энтони Блинкен

25 қазанда Қазақстанда Республика күні тойланады. Мереке Қазақстан президенті Қасым-Жомарт Тоқаевтың ұсынысынан кейін 13 жылдан кейін күнтізбеге қайтарылды.

Бұған дейін Мемлекет басшысы Қазақстан халқын мерекемен құттықтаған болатын.

Оқи отырыңыз