Қазақстанда тыныштық күні басталды

19 қарашада бүкіл ел бойынша тыныштық күні жарияланды. Бұл - сайлау алдындағы үгіт-насихатқа тыйым салынатын дауыс беру қарсаңындағы күн, деп хабарлайды Zakon.kz.

Тыныштық күні теледидардан сайлауалды видео материалдар көрсетілмейді, газеттер мен үнпарақшалар таратылмайды, сайлаушылармен пікірталастар жүргізілмейді, кездесулер өткізілмейді.

"Тыныштық күнінде" сайлау алды үгіт-насихат жүргізу айыппұлдың салынуына әкеліп соқтырады:

• жеке тұлғалар үшін - 15 АЕК;

• шағын кәсіпкерлік субъектілері мен коммерциялық емес ұйымдар үшін - 20 АЕК;

• орта кәсіпкерлік субъектілері үшін – 25 АЕК;

• ірі кәсіпкерлік субъектілері үшін - 35 АЕК.