Жаңалықтар тізбегі
0

ОСК мәжіліс сайлауына Respublica партиясының тізімін тіркеді

ОСК мәжіліс сайлауына Respublica партиясының тізімін тіркеді Сурет: pespublica-partiyasy.kz
Орталық сайлау комиссиясының отырысында Respublica партиясынан пропорционалдық жүйе бойынша парламент мәжілісі сайлауына қатысатын кандидаттардың тізімі тіркелді, деп хабарлайды Zakon.kz.

ОСК төрағасы Нұрлан Әбдіров 8 ақпанда Respublica партиясы қоғамдық бірлестігінің құжаттары Орталық сайлау комиссиясына тапсырылғанын атап өтті.

"Бұл ретте ОСК-ға екі азаматтан оларды осы партияның партиялық тізімінен шығару туралы ресми өтініштер түсті. Мұндай жағдайларда ОСК тиісті шешім қабылдайды".ОСК төрағасы Нұрлан Әбдіров

ОСК мүшесі Шавкат Өтемісов Respublica партиясы ОСК-ға тіркелуге қажет барлық құжатты тапсырғанын айтты. Ол сонымен қатар саяси партиялар арасында бөлінген депутаттық мандаттардың белгіленген санынан 30%-дан аспайтын адамдар санын қамтитын саяси партияның бір ғана тізімі тіркелетінін еске салды. Партиялық тізімде үш санаттағы өкілдердің жалпы саны – әйелдер, жастар және мүгедектігі барлар бәрінің санынан 30%-дан кем болмауға тиіс.

Respublica партиясы 25 адамнан тұратын партиялық тізімді ұсынды. Бұл ретте ОСК-ға Дархан Иманашев пен Олжас Сұлтановтан партиялық тізімнен шығару туралы ресми өтініштер түсті.

"Осылайша Respublica партиясының тізімінде 23 адам бар. Бұл тізімге 8 әйел, жастар мен мүгедектігі бар жандар кіреді, бұл тізімге енгізілген жалпы санының 34,8%-ына тең. Қажет квота сақталды. Партиялық тізімге енген тұлғалар Конституцияның және «Қазақстан Республикасындағы сайлау туралы» Конституциялық заңның талаптарын сақтауға міндетті".ОСК мүшесі Шавкат Өтемісов

Сонымен қатар ол партиялық тізімдерді ұсынған саяси партиялар партиялық тізімге енгізілген әр адам үшін партия қаражатынан ОСК шотына ең төменгі жалақының он бес еселенген мөлшерінде (1 050 000 теңге) сайлау жарнасын енгізетінін еске салды. Сайлау жарнасын Respublica партиясы толығымен төледі.

Осылайша Respublica пропорционалдық жүйе бойынша мәжіліс сайлауына кандидаттардың тізімін Орталық сайлау комиссиясы тіркеген жетінші партия болды.

Мәжіліс сайлауына жеті партия жіберілді:

  • Қазақстанның "Ақ жол" демократиялық партиясы.
  • Amanat партиясы.
  • "Ауыл" халықтық-демократиялық партиясы.
  • "Байтақ" Қазақстан жасыл партиясы.
  • Жалпыұлттық социал-демократиялық партиясы.
  • Қазақстан халық партиясы.
  • Respublica партиясы.

Мәжіліс пен барлық деңгейдегі мәслихат депутаттарының кезектен тыс сайлауы 2023 жылдың 19 наурызына белгіленді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: